الكليان ديالك كيكتبو ليك فالواتساب ف أي وقت، شي مرة بالدارجة و شي مرة بالفرنسية، و بزاف منهم كيسولو غير «بشحال؟». و انت خدام مع كليان واقف قدامك، الميساجات كيتجمعو. كنركبو ليك مساعد كيجاوب من المعلومات ديالك، كيسجل الطلبات، و كيدوز ليك المحادثة فاش خاص شي واحد من عندك يدخل.
شنو داخل
- أجوبة مبنية على أوقات العمل، الخدمات و الشروط ديالك
- هضرة بالدارجة، بالفرنسية ولا بالإنجليزية حسب الكليان
- المساعد كيقول من اللول بلي هو مساعد، ماشي بنادم
- تقدر تدخل و تاخد الهضرة منو فأي وقت
- الطلبات كتوصلك بالسمية و شنو بغا الكليان
واجد تبدا؟
قول لينا شنو خاصك فدقيقة. غادي نعيطو ليك باقتراح واضح.
كيفاش كنخدمو
الأجوبة ديالك هوما اللولين
كنجمعو الأسئلة اللي كتوصلك بصح فالواتساب و الأجوبة اللي كتعطي ديجا للكليان ديالك.
حدود واضحة
انت اللي كتقرر شنو يقدر يقول المساعد بوحدو، و شنو خاصو يوصلك ديما، بحال شكاية ولا ثمن خاص.
تجربة قبل التشغيل
كنجربو بالدارجة و بالفرنسية بأمثلة حقيقية، كتصحح لينا، و من بعد كيدخل الرقم للخدمة.
الأسئلة اللي كتتعاود
واش الكليان غادي يعرفو بلي هادا روبو؟
إيه. المساعد كيعرف براسو من اللول و ما كيديرش راسو خدام عندك. إلا شي كليان بغا يهضر مع بنادم، كيطلب هادشي و المحادثة كتوصلك نيشان بلا ما يعاود من الأول.
شنو كيوقع إلا ما عرفش الجواب ولا غلط؟
بحال أي مساعد، يقدر يغلط. كنطلبو منو ما يخترعش: إلا ما عرفش كيقولها بصراحة و كينبهك. كتقرا المحادثات، كتصحح، و حنا كنحينو المعلومات ديالو من بعد.
واش نقدر نخلي الرقم ديال الواتساب اللي عندي؟
هادشي كيتعلق بالحساب ديالك و كيفاش مستعمل دابا. كنشوفو الحالة ديالك قبل ما نبداو و كنقولو ليك بوضوح شنو ممكن، حتى إلا كان رقم بوحدو أحسن ليك.
ففس المجال
الباب ديالك محلول.
خلي لينا النمرة ديالك. غادي نعيطو ليك باش نشوفو شنو خاصك.