الكليان كيقراو المونيو ديالك فصالة مرات ضوها قليل، غالبا زربانين، و السرباي واقف كيتسنى. إلا تلفو الأطباق وسط سطور طويلة، كيطلبو اللي عارفين من قبل. كنرتبو ليك المونيو باش يوجه العين، كنعتانيو بالعربية و الفرنسية، و كنوجدو نسخة تقدر تصححها بساهل فأي وقت، بلا ما تعاود كولشي من الأول.
شنو داخل
- مونيو بالعربية و الفرنسية، و الإنجليزية للسياح
- أقسام مرتبة باش تبان الأطباق اللي كتشهر بيها
- نسخة ورقية، سيت دو طابل ولا أفيش فالحيط
- نسخة للتيليفون بQR كود فوق الطبلة
- نموذج كيتبدل ملي يتبدل شي ثمن ولا طبق
واجد تبدا؟
قول لينا شنو خاصك فدقيقة. غادي نعيطو ليك باقتراح واضح.
كيفاش كنخدمو
كنقراو المونيو ديالك
كنشوفو شنو كيتباع، شنو كيجيب الربح، و شنو خاص السرباي يشرح كل نهار فوق الطبلة.
كنرتبو و كنصورو
كنجمعو الأطباق، كنختارو اللي كيستاهل تصويرة، و كنقادو القياس على الطبلات ديالك و على الضو.
كنطبعو و كنطلقو
كنوجدو الملف للمطبعة و النسخة ديال التيليفون، و من بعد كنجربو الQR كود من الصالة ديالك.
الأسئلة اللي كتتعاود
كنبدل الأثمنة بزاف، واش خاصني نعاود نطبع كولشي؟
لا، إلا كان المونيو مصاوب لهادشي. النسخة ديال QR كود كتتصحح بلا طباعة، و النسخة الورقية نقدرو نخليو فيها ورقة ولا جزء كيتبدل. كنشوفو معاك شنو كيتبدل أكثر فالمونيو ديالك.
واش مونيو QR كود كيعوض مونيو الورق؟
ماشي ديما. شي كليان كيفضلو يشدو المونيو فيديهم، خصوصا الكبار و العائلات. داكشي علاش تقدر تخلي بجوج. و الQR كود كينفع حتى قبل الزيارة، ملي كيتصيفط الرابط فالواتساب ولا كيلقاوك فGoogle.
واش خاص تصاوير لكاع الأطباق؟
لا. شي تصاوير زوينين ديال الأطباق المشهورين عندك أحسن من التصاوير فكل بلاصة، و تصويرة خايبة كتحيد الشهية، و وصف مزيان كيخدم أحسن منها. كنعاونوك تختار شنو توري و توجد تصويرة بسيطة.
ففس المجال
الباب ديالك محلول.
خلي لينا النمرة ديالك. غادي نعيطو ليك باش نشوفو شنو خاصك.